【非洲豬瘟】豬肉零售商叫苦連天要求賠償　牛肉檔無辜被累感無奈

上水屠房有內地豬隻樣本日前被驗出非洲豬瘟病毒，政府與活豬業界達成共識，今日（5月13日）起銷毀上水屠房6000隻活豬，業界預料要下周一市面才有新鮮豬肉供應。TOPick記者在灣仔街市所見，部份肉檔「落半閘」未有營業，部分只售賣牛肉，有檔主表示「豬肉佬冇工返」；有牛肉檔店主指無辜受牽連；有市民認為應在源頭處理，將內地豬和本地豬分批檢疫，避免濫殺無辜。

▲ 部份肉檔「落半閘」未有營業。（曾耀輝攝）

灣仔街市的鮮肉檔負責人賴先生則稱生意明顯受影響，現時只賣「貨尾」，只能靠賣荳品維持生意

個個豬肉佬都愁眉苦臉，索性唔開。

他認為政府除了賠償豬肉商外，零售豬商的生計也受影響，亦應有所賠償，希望政府考慮補貼，

殺雞嗰陣有得賠，殺豬冇得賠，應該要一視同仁！

他指現時月租約7萬，預計單是租金已損失約2萬。他指負責斬肉的「豬肉佬」現時日薪約$1300，只是希望「夥計有飯開」。

打個八折都好啊，有啲有仔有女成家要養！

冰鮮肉店店主徐太預計今天會賣光冰鮮豬存貨，最快待聽晚才返貨。

冇預到突然冇豬賣，加上早幾日係假期，冇入定多啲存貨，聽日唔知賣咩好，可能冰鮮牛都冇貨

冰鮮肉檔職員凌先生指來貨充足：

今日係多咗人買冰鮮豬，不過都係做街坊生意，冇加價。

▲ 有牛肉檔店主指無辜受牽連。（曾耀輝攝）

有牛肉檔店主指無辜受牽連，本以為只是沒有豬肉賣賣，誰知五豐行指牛肉也冇貨，現時正賣貨尾。

聽日可能連牛肉都冇得賣！無辦法啦，話要消毒，唯有休息一星期等通知。賠償？邊有得賠㗎？

香港牛羊屠業商會理事長鍾兆階表示，由於豬和牛同樣在上水屠場屠宰，現時屠房需要清洗，故需停止供應本地牛，預計有一百多檔牛肉受影響。他指活牛是健康，只是荃灣屠房的設備不及上水屠房般先進。他個人認為今次的不幸是殃及池魚，

損失實有，無奈要忍耐下，大家都唔想！

▲ 來街市買豬肉的駱小姐表示不知道活豬暫停供應，「奇怪行咗兩條街，好多檔都冇豬肉買」（曾耀輝攝）

有來街市買豬肉的駱小姐表示不知道活豬暫停供應，直言

奇怪行咗兩條街，好多檔都冇豬肉買，冇新鮮豬肉煲湯冇咁好味！

來買新鮮豬肉的余小姐指「唔使問都知影響大啦，除咗食素嘅人，全世界都受影響」，不會轉買冰鮮豬，會忍耐一星期。她認為政府在處理上「時間好有問題，驗到有病毒都已經散晒出市面」，應在源頭處理，將內地豬和本地豬分批檢疫，避免濫殺無辜，現時彈性「太低」。

來買牛肉的余小姐指知道沒有活豬供應，表示暫停一星期沒大影響，「冇豬肉就食牛肉啦，冇牛就唔食啦，轉食菜同魚。」

雞檔檔主劉小姐表示光顧的人數跟平日差不多，未來一星期不會加價，亦唔會多入貨，因為「活雞日日清」的政策，「唔擺得過夜，唔想搏，早賣晒就早收工」；魚檔負責人盧先生亦指「生意差唔多，冇特別」。